Бафаева Саодат, сокини 60-солаи шаҳри Душанбе, дар содир намудани ҷиноятҳои қаллобӣ дар ҳаҷми махсусан калон ва ташкили муҳоҷирати ғайриқонунӣ гумонбар дониста мешавад.

Бафаева Саодат, сокини 60-солаи шаҳри Душанбе, дар содир намудани ҷиноятҳои қаллобӣ дар ҳаҷми махсусан калон ва ташкили муҳоҷирати ғайриқонунӣ гумонбар дониста мешавад.
Номбурда бо мақсади ҷалби шаҳрвандон ба муҳоҷирати ғайриқонунӣ ширкате бо номи ҶДММ “Матлаби ягона” таъсис дода, давоми солҳои 2022 ва 2023 беш аз 60-нафар сокинони минтақаҳои гуногуни кишварро фиреб додааст. Бо ваъдаи ба кишварҳои аврупоӣ фиристодан, аз 15 ҳазор сомонӣ то 154-ҳазор сомонии шаҳрвандонро гирифта, ба манфиати худ истифода бурдааст.
Дар рафти тафтишоти парвандаи ҷиноятӣ муайян карда шуд, ки маблағи бо роҳи фиреб ба даст овардаи Бафаева С., беш аз 2 миллион сомониро ташкил дода, ба шаҳрвандон дар ҳаҷми махсусан калон зарар расонидааст.
Айни замон Бафаева С., дар ҳабси пешакӣ қарор дошта, нисбаташ тибқи талаботи моддаҳои 247 қисми 4, 335 илова 2 ва 340 қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
Аз шаҳрвандон хоҳиш карда мешавад, ки агар мавриди фиреби Бафаева С., қарор гирифтаанд, тавассути рақамҳои (+992)018020202 ва 2210057 ба милитсияи пойтахт муроҷиат намоянд.