Думаи давлатӣ қоидаҳои будубоши кӯдакони муҳоҷирон ва соҳибони патентро сангинтар кард R

Думаи давлатии Русия (парлумон) рӯзи 18 март ду лоиҳаи қонунро дар соҳаи муҳоҷирати корӣ дар қироати аввал қабул кард.

Мувофиқи ин меъёрҳо муқаррар карда мешавад, ки кӯдакони муҳоҷирон, ки ба синни 18-солагӣ мерасанд, уҳдадор мешаванд, ки дар муддати 30 рӯз қаламрави Русияро тарк кунанд ё барои хул патент ба расмият дароранд.

Илова бар ин, муҳоҷирони корӣ бояд на танҳо барои худ мисли ҳозира, балки ба ҳамаи аъзои оила, ки дар Русия таҳти саробонии онҳо қарор доранд, дар шакли пешпардохти сабтшуда андоз супоранд.

Дар ҳолате, ки агар дар бораи даромади муҳоҷир маълумот мавҷуд набошад ё агар маблағи даромад аз маблағи зарбшуда ба коэффисиенти минтақавии маоши ҳадди ақалл бо ҳисоб нисбати ӯ ва ҳар кадоме аз узви оила кам бошад, патент ё иҷозатномаи кори ӯ бекор карда мешавад.

Ҳамчунин пешниҳод мешавад, ки шароит барои хориҷиёне, ки Иҷозаи зисти муваққатӣ (РВП) ё Ҳуҷҷати иҷозаи зист (ВНЖ) гирифтаанд шадидтар карда шавад. Агар фаъолияти корӣ дар муддати соли навбатӣ камтар аз 10 моҳ амалӣ шуда бошад, ин ҳуҷҷатҳоро намедиҳанд ё бекор мекунанд.

Раиси Думаи давлатӣ Вячеслав Володин дар ҷаласа хабар додааст, ки “ба ҷуз ду лоиҳаи баррасишуда дар соҳаи муҳоҷират, боз чортои дигар дар марҳилаи баррасӣ қарор доранд”.