Тоҷикистон мехоҳад аз Додгоҳи байналмилалии ҷиноӣ хориҷ шавад
Парлумони Тоҷикистон масъалаи хориҷ шудан аз Додгоҳи байналмилалии ҷиноиро баррасӣ кардааст
ДУШАНБЕ, 18 сен - Sputnik. Шӯрои Маҷлиси Намояндагон дар ҷаласаи ғайринавбатии худ лоиҳаи қарор "Дар бораи қатъ амали Низомномаи Суди байналмилалии ҷиноятӣ"-ро баррасӣ кард.
Тафсилоти қарор ва мӯҳлати баррасии пурраи санеад ҳанӯз ошкор нашудааст.
Тоҷикистон Оинномаи Римро соли 1998 имзо карда, онро соли 2000 тасдиқ карда, 1 июли соли 2002 узви Додгоҳи байналмилалии ҷиноӣ шуд.
Додгоҳи байналмилалии ҷиноӣ, ки дар Гаага ҷойгир аст, парвандаҳои наслкушӣ, ҷиноятҳо алайҳи башарият, ҷиноятҳои ҷангӣ ва ҷинояти таҷовузро баррасӣ мекунад.
Тибқи Оинномаи Рим, баромадани як давлат як сол пас аз огоҳиномаи расмӣ эътибор пайдо мекунад, аммо салоҳияти додгоҳро нисбат ба ҷиноятҳои эҳтимолии содиршуда то ин сана қатъ намекунад.
Тоҷикистон аввалин кишваре нахоҳад буд, ки аз Додгоҳ хориҷ мешавад: Мали, Буркина-Фасо ва Нигер дар соли 2025 эълон карданд, ки онро тарк мекунанд. Венесуэла низ ин равандро оғоз кардааст. Вазорати корҳои хориҷии Русия қаблан ин Оинномаи байналмилалии ҷиноиро танқид карда, онро воситаи фишори сиёсӣ номида буд.
Бисёре аз кишварҳо, аз ҷумла Русия ва Иёлоти Муттаҳида, салоҳияти Додгоҳи Байналмилалии Ҷиноятиро эътироф намекунанд.
