Тоҷикистону Белорус ният доранд табодули колоро ба 500 миллион доллар расонанд

Ба гуфтаи сафири Тоҷикистон дар Белорус байни Минск ва Душанбе муносибатҳои дӯстона ва шарикии стратегӣ барқарор шудаанд

ДУШАНБЕ, 14 сен — Sputnik.Ахиран дар пойтахти Белорус шаҳри Минск Рӯзи истиқлолияти Тоҷикистон таҷлил карда шуд.

Сафири Тоҷикистон дар Белорус Сафарзода Бахтовар дар гуфтугӯ бо расонаҳои белорусӣ таъкид кард, ки дар тӯли 30 сол муносибатҳои дӯстона ва шарикии стратегӣ байни Минск ва Душанбе барқарор шуда буд.

Вай гуфт, то соли 2025 гардиши мол байни ду кишвар ба сатҳи баланди таърихӣ расида, бештар аз 222 миллион долларро ташкил дод.

Сафир қайд кард ҳар ду кишвар ният доранд ин рақам то 500 миллион доллар расонанд.

Сафир ҳамчунин афзуд, ки дар ҳоли ҳозиро робитаҳои тиҷоратӣ ва иқтисодӣ ба сатҳи нав расидаанд. Лоиҳаҳои муштарак дар соҳаи кишоварзӣ, саноати хӯрокворӣ ва сабук, дорусозӣ ва дигар бахшҳо амалӣ карда мешаванд.

Вай зикр кард, ки робитаҳои фарҳангӣ ва башардӯстона рушд мекунанд. Парвози Минск-Душанбе ба роҳ монда шуд.

"Ҳамкории байниминтақавӣ ҷузъи муҳими ҳамкории дуҷониба аст. Он дар воқеияти имрӯза суръат мегирад ва имкониятҳои иловагиро барои барқарор кардани робитаҳои мустақим байни минтақаҳои кишварҳои мо фароҳам меорад. Душанбе ва Минск айни замон шаҳрҳои бародар мебошанд ва робитаҳои устувори тиҷоратӣ ва башардӯстона байни минтақаҳои Тоҷикистон ва Беларус нигоҳ дошта мешаванд. Дар солҳои охир сафарҳои мутақобилаи ҳайатҳои минтақавӣ, форумҳои тиҷоратии иқтисодӣ ва вохӯриҳои намояндагони тиҷорат баргузор шудаанд", гуфт Сафарзода Бахтовар сафири Тоҷикистон дар Беларус.

Дар маросими таҷлили 35-солагии Истиқлоли давлатии Тоҷикистон дар Минск намоишгоҳи ҳунарҳои мардумӣ инчунин консерт бо иштироки ҳунармандони тоҷик, ки аз Душанбе даъват шуда буданд, баргузор гардид.