Дар Миср маҷаллаи «Тоҷикистон ва пиряхҳо» ба забони арабӣ ва англисӣ ба нашр расид
Сафорати Ҷумҳурии Тоҷикистон дар Ҷумҳурии Арабии Миср дар ҳамкорӣ бо Маркази мисрии пажӯҳишҳои стратегӣ ва расонаии «Ҳивор» маҷаллаи «Тоҷикистон ва пиряхҳо»-ро ба забонҳои арабӣ ва англисӣ нашр намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Арабии Миср хабар доданд, маҷалла фишурдаи маводи семинари байналмилалии «Тоҷикистон ва пиряхҳо: ба сӯи рӯйкарди ҷадид» буда, ҳадафҳо ва ташаббусҳои Тоҷикистонро дар соҳаи об, иқлим ва энергетика муаррифӣ мекунад.
