Мақомоти Тоҷикистон дар Русия бо занони муҳоҷири тоҷик дидор кардаанд

Мақомоти Тоҷикистон дар Русия бо занони муҳоҷири тоҷик дидор кардаанд

Масъулини Намояндагии Вазорати кору муҳорати Тоҷикистон дар Русия бо занони муҳоҷири тоҷик, ки дар як корхонаи дӯзандагӣ дар шаҳри Твери ин кишвар кор мекунанд, дидор ва ба онҳо қоидаҳои нави муҳоҷиратро фаҳмонидаанд.

Ин ниҳод гуфт, ки дар ин мулоқот, ки дирӯз, 11-уми ноябр, сурат гирифт, ба беш аз 40 зани муҳоҷири тоҷик тағйирот дар қонунгузории Русия, тартиби расмикунии иқомат ва фаъолияти корӣ, гирифтани иҷозатномаи кор (патент), пардохтҳои ҳатмӣ, бастани шартномаи меҳнатӣ бо корфармо ва ҳифзи ҳуқуқу манфиатҳои қонунии онҳо шарҳ дода шуд.

Ҳамчунин, ба гуфтаи манбаъ, ба ин бонувони муҳоҷир дар бораи риояи қонунгузории Русия, пешгирии бемориҳои сироятӣ, ҳуқуқвайронкунӣ, ҷинояткорӣ ва гароиш ба гурӯҳҳои ифротӣ тавсияҳое ироа шудааст.