СПАД: Амнияти дар марзи Тоҷикистону Афғонистон пурзур мешавад

Дабири кулли СПАД дар Душанбе бо мақомоти Тоҷикистон татбиқи барномаи байнидавлатӣ дар бораи тақвияти амнияти марз бо Афғонисторо баррасӣ кард

Дабири кулли Созмони Паймони Аҳдномаи Дастаҷамъи (СПАД) Таалатбек Масодиқов бо даъвати шахсии президенти Тоҷикистон Эмомалӣ Раҳмон ба ҷумҳурӣ сафари корӣ анҷом дод.

Дар ин бора дафтари матбуоти СПАД хабар додааст.

Ба иттилои ин созмон дар ин сафар дабири кулли СПАД дар баробари дигар масъалаҳо, пешрафти барномаи байнидавлатӣ дар бораи тақвияти амнияти марз бо Афғонистонро баррасӣ кард.

"Иҷрои барномаи байнидавлатии мақсадноки СПАД дар бораи тақвияти марзи Тоҷикистону Афғонистон бо генерал-лейтенант Муродалӣ Рабҷадзода, муовини аввали раис ва фармондеҳи нерӯҳои марзии Кумитаи давлатии амнияти миллии Тоҷикистон, баррасӣ шуд", - хабар дод ин созмон.

Гуфта мешавад, ки дар ҷараёни сафари кории худ, Масодиқов аз "вазъияти марз ошно шуда, аз посгоҳҳои марзӣ ва як нуқтаи назоратии яке аз постгоҳои марзиро боздид кардааст".

Дар изҳорот гуфта мешавад, ки Дабири кулли СПАД "сохтмони роҳи марзиро дар минтақаи кӯҳистонӣ ва дастнорас, ки дар самти Шӯрообод аст мустақиман тафтиш кард".

Тибқи иттилои котиботи СПАД, ин сафар аз 24 то 26 июн сурат гирифт.

Ёдовар мешавем, ки кишварҳои узви СПАД Русия, Беларус, Қазоқистон, Қирғизистон, Тоҷикистон ва Арманистон мебошанд.