Сатторов Фирдавс, сокини 47-солаи шаҳри Душанбе, дар содир намудани ҷинояти қасдан расонидани зарари вазнин ба саломатӣ гумонбар дониста мешавад.

Сатторов Фирдавс, сокини 47-солаи шаҳри Душанбе, дар содир намудани ҷинояти қасдан расонидани зарари вазнин ба саломатӣ гумонбар дониста мешавад.

Номбурда санаи 4-уми марти соли ҷорӣ, тахминан соати 23:30 дақиқаи шабона, дар манзили истиқоматиашон, воқеъ дар кӯчаи Л.Шералӣ, бо бародараш Сатторов Некрӯз бинобар нофаҳмиҳои лафзӣ муноқиша намуда, якдигарро мавриди латукӯб қарор додаанд.

Дар ҷараёни муноқиша Сатторов Фирдавс дар ҳолати хашму ғазаб бо истифода аз корд ба қисматҳои гуногуни бадани додараш се маротиба зарба зада, ба ӯ ҷароҳатҳои вазнини ҷисмонӣ расонидааст, ки ҷабрдида дар беморхона бистарӣ мебошад.

Айни замон гумонбаршаванда дар ҳабси пешакӣ қарор дошта, нисбаташ дар ШВКД дар ноҳияи И.Сомонӣ бо моддаи 110 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишоти пешакӣ оид ба ҳодисаи мазкур идома дорад.