Давлатов Аҳмад, ронандаи воситаи нақлиёти тамғаи «Мерседес», рақамҳои қайди давлатиаш 8384DP01, барои дағалона вайрон намудани қоидаҳои ҳаракат дар роҳ ва ба вуҷуд овардани ҳолати хатарноку садамавӣ боздошт гардид.

Чуноне дар навор дида мешавад, номбурда зимни идораи воситаи нақлиёт дар кӯчаи А. Дониш, бо савор намудани рафиқаш Иброҳимов Ҳасан дар қисми пеши воситаи нақлиёт, ҳолати хатарнок ва садамавиро ба вуҷуд овардааст. Ин кирдори номбурда метавонист боиси сар задани садамаи нақлиётӣ ва ба вуҷуд омадани оқибатҳои вазнин гардад.

Вобаста ба ҳолати мазкур нисбати Давлатов Аҳмад тибқи талаботи моддаи 326 КҲМ Ҷумҳурии Тоҷикистон протоколи маъмурӣ тартиб дода шуда, нисбаташ ҷаримаи маъмурӣ татбиқ карда шуд. Ҳамзамон, ҷиҳати минбаъд роҳ надодан ба чунин қоидавайронкунӣ ба таври ҷиддӣ огоҳонида шуд.

Аз ронандагон талаб карда мешавад, ки ҳангоми идораи воситаи нақлиёт қоидаҳои ҳаракат дар роҳро қатъиян риоя намуда, ҳаёт ва саломатии худ ва дигаронро зери хатар нагузоранд.