Бино ба гузориши Bild, як ҳавопаймои сабук дар шоҳроҳи шимолу шарқи шаҳри Магдебурги Олмон суқут кард ва дар натиҷа ду нафар кушта шуданд.
Ин ҳодиса нимарӯзи 6 ноябр рух дод. "Ҳавопаймои дуҷояи ултрасабук, Aerostyle Breezer, дар наздикии шоҳроҳи A2 суқут кард. Он дар клуби варзишии авиатсионӣ дар Кропп (Шлезвиг-Ҳолштейн) ба қайд гирифта шуда буд ва соати 12:33 аз фурудгоҳи клуб дар Шлезвиг парвоз кард", - гуфта мешавад дар гузориш.
Сабаб ва шароити суқути ҳавопаймо дар роҳ тафтиш карда мешавад. Полис ва хадамоти наҷот дар ҷои ҳодиса кор карданро идома медиҳанд.