Эмомалӣ Раҳмон барои ширкат дар ҷаласаи Шӯрои амнияти СПАД ба Русия рафт
Эмомалӣ Раҳмон, раисҷумҳури Тоҷикистон, имрӯз, 10-уми ноябр, барои иштирок дар дар ҷаласаи навбатии Шӯрои амнияти дастҷамъии Созмони паймони амнияти дастҷамъӣ (СПАД) ба шаҳри Маскави Русия сафар кард.
Хадамоти матбуоти раисҷумҳур эълон кард, ки дар ин сафар ӯро вазири корҳои хориҷӣ, котиби Шӯрои амнияти, вазири мудофиа, ёрдамчии раисҷумҳур дар умури робитаҳои хориҷӣ ва дигар шахсони расмӣ ҳамроҳӣ мекунанд.